سندھ میں قربانی کی کھالوں سے متعلق ضابطہ اخلاق کی خلاف ورزی پر 356 افراد گرفتار

تبصرے

صفحہ شیئر کریںصفحہ پرنٹ کریںدوستوں کو بھیجئے

گرفتار افراد میں سے 288 کو پولیس کے حوالے جب کہ 32 کو رہا کردیا گیا، رینجرز فوٹو: فائل

 کراچی: سندھ رینجرز نے صوبے بھر میں عید الاضحیٰ کے دوران قربانی کی کھالوں سے متعلق ضابطہ اخلاق کی خلاف ورزی پر 236 افراد کو گرفتار کرلیا۔

ترجمان سندھ رینجرز کے جاری کردہ بیان کے مطابق صوبے بھر میں کھالیں جمع کرنے سے متعلق سندھ حکومت کے ضابطہ اخلاق کو یقینی بنانے کے لئے اقدامات کئے گئے، اس دوران صوبے بھر سے 356 افراد کو گرفتار کرکے 18ہزار 37 کھالیں ضبط کرلیں۔ ضابطہ اخلاق کی خلاف ورزی کرنے والوں میں ایم کیو ایم، جماعتِ اسلامی، اہلِ سنت و الجماعت، جماعتہ الادعوۃ، سنی تحریک اور میمن برادری کے افراد شامل ہیں۔

سندھ رینجرز کے ترجمان کا کہنا ہے کہ گرفتار افراد میں سے 288 کو پولیس کے حوالے جب کہ 32 کو رہا کردیا گیا تاہم گرفتار ملزمان میں سے 36 مختلف سنگین جرائم میں ملوث ہیں جن سے تفتیش جاری ہے۔

برطانوی اخبارکا سانحہ منیٰ میں 236 پاکستانیوں کی شہادت کا دعویٰ، وزارت مذہبی امور کی تردید

تبصرے

صفحہ شیئر کریںصفحہ پرنٹ کریںدوستوں کو بھیجئے

پاکستانی وزارت مذہبی امور نے 19 پاکستانیوں کی شہادت کی تصدیق کی ہے، فوٹو: فائل

برطانوی اخبار نے سانحہ منیٰ میں سب سے زیادہ 236 پاکستانیوں کے شہید ہونے کا دعویٰ کیا ہے تاہم وزارت مذہبی امور نے اس کی تردید کی ہے۔

برطانوی اخبار گارجین کے مطابق منیٰ میں مناسک حج کے دوران بھگدڑ سے شہید ہونے والوں میں 236 پاکستانی ہیں، اس کے علاوہ ایران کے 131، مراکش کے 87، بھارت اورمصر کے 14، 14 ، صومالیہ کے 8، سینیگال کے 5 ، ترکی اور تنزانیہ کے 4،4، الجرائس ، کینیا اور انڈونیشیا کے 3،3 جب کہ برونڈی اور ہالینڈ کا ایک ایک شہری شہید ہوا ہے۔

دوسری جانب وزارت مذہبی امور اور سعودی عرب میں موجود پاکستانی حکام نے برطانوی اخبار کے اس دعوے کی مسترد کرتے ہوئے کہا ہے کہ اخبار نے اس سانحے میں شہید ہونے والے تعداد کو بڑھا چڑھا کر پیش کیا ہے اور غیرتصدیق شدہ اعداد و شمار دیئے ہیں۔وزیر مذہبی امور سردار محمد یوسف نے کہا ہے کہ ہر سال حج کےدوران کچھ لوگ لاپتہ ہوجاتےہیں،حج مشن کے لوگوں پاکستانی حجاج کے کیمپوں میں تصدیق کے لئے بھیجا گیا ہے، پاکستان کے 116 لاپتہ لوگ رات تک مل گئے تھے،امید ہے تمام لوگ مل جائیں گے۔

سردار یوسف نے کہا کہ اب تک جن حجاج کرام کی شہادت کی تصدیق ہوچکی ہے ان کے لواحقین کو سرکاری طور پر آگاہ کردیا گیا ہے، حج کے دوران جولوگ فوت ہوتے ہیں ان کی تدفین یہیں پر کی جاتی ہے، سانحے میں شہید ہونے والوں کو بھی سعودی عرب میں ہی دفنایا جاتا ہے، جب تک تصدیق نہ ہو پاکستانیوں کی تدفین بھی نہیں کی جاسکتی۔

پاکستانی وزارت مذہبی امور نے 19 پاکستانیوں کی شہادت کی تصدیق کی ہے، جن میں کراچی کی حفصہ شعیب اور زرین نسیم ، دالبندین کی بی بی زینب ، ایبٹ آباد کے زاہد گل اور بلقیس بی بی ، لکی مروت کی بیگم جان، لاڑکانہ کے ڈاکٹرامیرعلی لاشاری ، لاہور کے حاجی عارف حسین اورمیاں محمد ریاض ، ملتان کے اسد مرتضیٰ گیلانی ، عزیزہ مائی اور ثمرین، کوٹ ادو کے عبدالرحمان اور شہناز بی بی، جھنگ کے سراج احمد سراج ، سانگلہ ہل کے حبیب اللہ اور میرپور آزاد کشمیر کی سیدہ نرجس شہناز شامل ہیں جب کہ 300 سے زائد اب بھی لاپتا ہیں۔

ریندرمودی کی اقوام متحدہ کے ہیڈکوارٹر آمد کے موقع پر سکھوں کا احتجاج

 

تبصرےصفحہ شیئر کریںصفحہ پرنٹ کریںدوستوں کو بھیجئے

مظاہرین نے بھارت اور وزیراعظم نریندر مودی کے خلاف شدید نعرے بازی کی اور علیحدہ ملک کا مطالبہ کیا۔ فوٹو:فائل

نیویارک: سکھ علیحدگی پسندوں نے بھارتی وزیراعظم نریندر مودی کی اقوام متحدہ کے ہیڈکوارٹر میں “جی 4 ممالک کی کانفرنس” سے خطاب کے موقع پر شدید احتجاج کرتے ہوئے علیحدگی کے لئے 2020 میں ریفرنڈم کرانے کا مطالبہ کیا۔

بھارتی میڈیا کے مطابق سیکڑوں سکھ علیحدگی پسند وزیراعظم نریندر مودی کی اقوام متحدہ کے ہیڈکوارٹر میں “جی 4 ممالک کی کانفرنس” کی تقریب سے خطاب کے موقع پر جمع ہوگئے جہاں انہوں نے شدید احتجاج کیا۔ مظاہرین نے بینرز اور پلے کارڈز اٹھا رکھے تھے جن پرحکومت کی جانب سے پنجاب میں سکھوں پر ڈھائے جانے والے مظالم کا نوٹس لینے اور علیحدہ ملک خالصتان بنانے کا مطالبہ کیا گیا۔

مظاہرین نے بھارت اور وزیراعظم نریندر مودی کے خلاف شدید نعرے بازی کرتے ہوئے عالمی برادری پر زور دیا کہ وہ مطالبات پورے کرنے کے لئے اقدامات اٹھائے۔ سکھ علیحدگی پسندوں کی نمائندگی کرنے والے سربراہ بخشش سنگھ ساندو کا کہنا تھا کہ بھارت میں اقلیتوں کے حقوق کی سنگین خلاف ورزیاں کی جارہی ہیں اور خاص طور پر عیسائیوں، سکھوں اور مسلمانوں کو نشانہ بنایا جارہا ہے۔

دوسری جانب بھارتی گجرات کی پٹیل کمیونٹی سے تعلق رکھنے والے افراد کی جانب سے بھی اقوام متحدہ کے ہیڈکوارٹر کے سامنے احتجاج کیا گیا جب کہ انہوں نے پٹیل کمیونٹی کے لئے آواز اٹھانے والے سرگرم سردار پٹیل سے منسوب ٹوپیاں بھی پہن رکھی تھیں۔ مظاہرین کا کہنا تھا کہ پٹیل کمیونٹی سے تعلق رکھنے والے 4 ہزار سے زائد بے گناہ افراد پولیس کی تحویل میں ہیں جنہیں وحشیانہ تشدد کا نشانہ بنایا جارہا ہے اس لئے پولیس حکام کے خلاف فوری کارروائی کی جائے۔

راولپنڈی میں مکان کی چھت گرنے سے میاں بیوی جاں بحق

تبصرےصفحہ شیئر کریںصفحہ پرنٹ کریںدوستوں کو بھیجئے

زخمیوں کو ہولی فیملی اسپتال منتقل کردیاگیا جہاں انکی طبی امداد جاری ہے:فوٹو:فائل

راو لپنڈی: پیرودھائی بس اسٹینڈ کے قریب مکان کی چھت گرنے سے میاں بیوی جاں بحق جب کہ 2 بچے زخمی ہو گئے ۔

ایکسپریس نیوز کے مطابق راولپنڈی میں پیرودھائی بس اسٹینڈ کے قریب ایک مکان کی خستہ حال چھت گرنے سے میاں بیوی اپنے دو بچوں سمیت ملبے تلے دب گئے تاہم امدادی ٹیموں نے پہنچ کر زخمیوں کو ہولی فیملی اسپتال منتقل کردیاگیا جہاں میاں بیوی دم توڑ گئے جب کہ دونوں بچوں کی حالت خطرے سے باہر ہے۔

مکان کی چھت گرنے سے جاں بحق ہونے والوں کی شناخت خاتون خانم اورجبار کے نام سے ہوئی ہے، اسپتال حکام کا کہنا ہے کہ دونوں افراد بروقت اسپتال پہنچائے جاتے تو ان کی جان بچائی جاسکتی تھی۔

: کالعدم تنظیم کا اہم کمانڈر گرفتار، اسلحہ اور منشیات برآمد

کوئٹہ: کوئٹہ میں قمبرانی روڈ پر قانون نافذ کرنے والے اداروں نے کارروائی کرتے ہوئے کالعدم تنظیم کا اہم کمانڈر گرفتار کر لیا۔ دہشت گردی کی متعدد وارداتوں میں ملوث تھا اسلحہ اور منشیات برآمد کر لئے گئے۔ تفصیلات کے مطابق جمعرات کے روز کوئٹہ میں قمبرانی روڈ پر پولیس، ایف سی اور حساس اداروں نے مشترکہ کارروائی کرتے ہوئے کالعدم تنظیم کا انتہائی خطرناک دہشت گرد کمانڈر گرفتار کر لیا۔ گرفتار کئے جانے ولا کمانڈر کوئٹہ سمیت بلوچستان میں دہشت گردی کی متعدد وارداتوں میں ملوث تھا جبکہ کوئٹہ میں ٹارگٹ کلنگ کی وارداتوں میں بھی ملوث رہا ہے۔ کارروائی کے دوران ملزم سے بھاری مقدار میں اسلحہ اور منشیات بھی برآمد ہوئی۔ گرفتاری کے بعد ملزم کو نامعلوم مقام پر منتقل کر دیا گیا ہے۔ جہاں اس سے تفتیش جاری ہے اور مزید اہم انکشاف کی توقع ہے -    

اہم حریت رہنما گھروں میں نظر بند

سری نگر: بھارت اپنے اوچھے ہتھکنڈوں سے باز نہ آیا، مشیر خارجہ سرتاج عزیز سے ملاقات روکنے کے لیے کشمیری رہنماؤں کو ان کے گھروں میں نظر بند کر دیا۔ پاکستانی ہائی کمیشن کی کشمیری رہنماؤں کو سرتاج عزیز سے ملاقات کی دعوت نے بھارت کو آگ لگا دی۔ بھارت نے کشمیری رہنماؤں کو سرتاج عزیز سے ملاقات نہ کرنے کی وارننگ دی اور بھارتی سیکورٹی اداروں نے حریت رہنماؤں کے خلاف کریک ڈاؤن شروع کر دیا۔ سید علی گیلانی، میر واعظ سمیت اہم رہنماؤں کو ان کے گھروں میں نظر بند کر دیا گیا، پاکستانی ہائی کمیشن نے پاک بھارت سلامتی مشیروں کی ملاقات سے قبل کشمیری رہنماؤں کو سرتاج عزیز سے ملاقات کے لیے بلایا ت -    

جوہری توانائی کے ٹو منصوبے کا سنگ بنیاد

کراچی: وزیر اعظم محمد نواز شریف نے کہا ہے کہ شہید شجاع خانزادہ کا مشن پوری قوت کے ساتھ آگے بڑھے گا،دہشت گرد بزدلانہ کارروائیاں کر کے ہمارے عزم کو متزلزل نہیں کرسکتے، آپریشن ضرب عضب اور قومی ایکشن پلان کے تحت کارروائیاں جاری رہیں گی۔ ان خیالات کا اظہار انہوں نے جمعرات کے روز جوہری توانائی کے منصوبے کے ٹو کے سنگ بنیاد کی تقریب سے خطاب کرتے ہوئے کیا، اس موقع پر وزیر دفاع خواجہ آصف، وزیر مملکت عابد شیر علی، گورنر اور وزیراعلیٰ سندھ سمیت دیگر حکام بھی موجود تھے۔ وزیر اعظم  نے کہا کہ پاکستان کے سب سے بڑے منصوبے کا سنگ بنیاد رکھ دیا گیا ہے، یہ منصوبہ پاکستان اور چین کے تعلقات کا منہ بولتا ثبوت ہے، اس منصوبے سے پاک چین دوستی مزید پروان چڑھے گی۔ انہوں نے کہا کہ  ملک میں امن وامان کی صورتحال بہتر ہوئی ہے اور ملک میں افراط زر کی شرح کم ہو رہی ہے، حکومت ملک میں امن کے لیے فیصلہ کن کارروائی کر رہی ہے، ملک میں امن کے قیام تک تمام ذمہ دار ادارے کام کرتے رہیں گے، دہشت گردوں کے خلاف کارروائیوں میں کوئی رکاوٹ برداشت نہیں کی جائے گی۔ وزیر اعظم نے کہا کہ ایم کیو ایم کے رکن قومی اسمبلی رشید گوڈیل پر حملے کی جتنی مذمت کی جائے کم ہے، شجاع خانزادہ کی شہادت سے ان کا مشن نہیں رکے گا بلکہ ان کا مشن پوری قوت کے ساتھ آگے بڑھے گا، پاکستان کی معیشت میں شفافیت بڑھ رہی ہے، بین الاقوامی سطح پر پاکستان کا اچھا تاثر پیدا ہو رہا ہے، وزیر اعظم نے کہا کہ ملک کو توانائی بحران سے نجات دلانا اولین ترجیح ہے، ماضی کی نسبت لوڈ شیڈنگ میں واضح کمی ہوئی ہے، ہمارے دیہی علاقوں کو بجلی بحران کا سامنا ہے، لوشیڈنگ کے خاتمے کیلئے حکومت ترجیحی بنیادوں پر کام کر رہی ہے۔ واضح رہے کہ کراچی کے ساحل پر ایٹمی بجلی گھر کینپ 1972 میں قائم کیا گیا تھا، اس کی پیداواری صلاحیت 150 میگاواٹ اور مدت 2002 تک تھی مگر بعد ازاں اس کو اپ گریڈ کر کے دوبارہ فعال کر دیا گیا، جبکہ رواں برس کینپ ٹو اور کینپ تھری بنانے کی منصوبہ بندی کی گئی، یہ دونوں بجلی گھر 1100 ، 1100 میگاواٹ بجلی پیدا کر سکیں گے، جبکہ پلانٹس کی تکمیل 2019 اور 2020 تک ہو سکے گی - See